立即衝了上兆萬的神戶屋「醫肚」～
價錢只係百零蚊，比普通的放題加一後近三百蚊吸引好多，好抵食～
我們點了三點刺身。愛吃甜蝦的我當然點了1打俾自己品嚐。XD
選擇都幾多喎～樣樣都有齊之外，都有好多特色野。印象最難忘係益力多味炮冰雪糕啦，酸酸甜甜好解渴！下次1定要再試！
彩色餐紙有齊晒刺身，壽司，炸物等，花多眼亂。
飲品櫃的選擇都幾多～
D甜蝦好新鮮wor..隻隻都好彈牙。
味道都幾清甜，肉質有dd“漿口”。
帶子係原粒上嘅，無再1開2切到鬼咁細粒。粒粒都好爽，都幾新鮮。本人最怕食急凍大粒嘅帶子，雪到無晒味。好彩哩度都唔差～
北寄貝都好爽好脆～
炸物只食左一口芝士波波。雖然話係一口，但粒波波都幾大粒～外面嘅粉漿超脆！！不過因為唔會好似出面咁太細粒，所以1粒就好夠喉。
蟹柳依家比較少放題有得食，幾好食，幾甜，好有兒時回憶。
哩度嘅三文魚刺身幾肥美。由於我係超級三文魚迷，所以三文魚嘅質素好重要。哩度好夠肥美，最怕瘦奀奀又俾晒d背脊瘦位。色水都幾鮮紅，幾正。
我最中意食角螺。哩度嘅角螺特別鮮甜。可能有時出面雪得太耐雪到無晒味。哩度嗌左兩轉角螺都好食。肉質夠煙韌，味道都夠清甜呀。
我剩係中意食生野刺身果d，所以好快都飽左。其實哩度仲有好多熱食炸物都好吸引，下次經過旺角一定要再黎試齊佢先～
Blog Sites:【INSTAGRAM】【THEZTYLE】【FACEBOOK FAN PAGE】
【ITRIAL】【BEAUTY QOOZA】【BLOGSPOT】【SHE】
【BECB】【ELLE】【QOOZA】【WESHARE】【SALAD BLOG】
論壇地址：forum.php?mod=viewthread&tid=842089
沒有留言:
張貼留言